Þorgerðar Katrín Gunnarsdóttur lagði í lok apríl fram
frumvarp til tónlistarlaga þar sem m.a. er fjallað um kynningarmál íslenskrar tónlistarmanna bæði innanlands og utan.  Frumvarpið hefur verið afgreitt frá menntamálanefnd og bíður nú 2. og 3. umræðu. Vonast er til að frumvarpið verði samþykkt sem lög fyrir þinglok. Fulltrúar rétthafa hafa óskað eftir því að í stað eins stjórnarmanns af þremur, samkvæmt orðalagi  frumvarpsins, fái rétthafar þrjá stjórnarmenn af fimm. Er það talið með því verði endurspeglað betur raddir hvers hóps fyrir sig.   

Stefnumótunarráðstefnu Samtóns.

Velta íslensks tónlistariðnaðar 6 milljarðar og framlag hans til landsframleiðslu 1% Á stefnumótunarráðstefnu Samtóns sem haldin var í Sal FÍH mánudaginn 3. maí s.l. hélt Dr. Ágúst Einarsson prófessor við Hagfræði- og Viðskiptadeild Háskóla fyrirlestur um hagræn áhrif tónlistariðnaðarins á íslenskt hagkerfi. Niðurstaða hans er að Íslenskur tónlistariðnaður er öflug atvinnugrein og getur borið höfuðið mjög hátt. Miðað við vöxt tónlistariðnaðarins, annarra skapandi atvinnugreina í nálægum löndum og öflugan stuðning og skilning á stöðu tónlistariðnaðarins er líklegt að um 1.500 manns muni vinna í tónlistariðnaði innan 5 ára og framlag til landsframleiðslunnar verði um 1,2%. Tónlistin hefur því mikla hagræna þýðingu. Tónlistin skilar miklu til landsframleiðslunnar og hefur jákvæð hagræn áhrif á fjölda atvinnugreina.Auk þess veitir tónlistin mikla ánægju sem er ekki mæld í hagtölum. Þetta er í fyrsta sinn sem heildarúttekt er gerð á íslenskum tónlistariðnaði og áhrifum tónlistarinnar á hagkerfið og því eru þetta merkileg tímamót í íslensku tónlistarlífi. Hér að neðan er stiklað á nokkrum atriðum úr fyrirlestri Dr. Ágústs sem er að finna í heild sinni á heimasíðu FÍH www.fih.is   Um 10% af einkaneyslu landsmanna er varið til menningar eða 43 milljörðum Til tónlistar er varið um 6 milljörðum og starfa í tónlistariðnaði 1.200 manns í heilsársstörfum. Tónlistin vegur um 1% af landsframleiðslunni. Mikil óbein áhrif vegna tónlistar í öðrum atvinnugreinum og sömuleiðis eru áhrif tónlistar vegna forvarna í vímuefnum. Reykingar kosta samfélagið 16 millarða kr. Á ári. Áfengi kostar samfélagið 9 milljarða á ári. Þau ungmenni sem stunda tónlistarnám reykja og drekka mun minna en jafnaldrar þeirra Tónlistarkennsla leiðir þannig til sparnaðar samfélagsins vegna minni kostnaðar við reykingar og áfengi upp á 1,1 milljarð kr. Um 3.000 þúsund manns eru í kórum hérlendis en tiltölulegar fátt fólk er þar í föstum stöðum Mikil efnahagsleg umsvif eru vegna kóra, t.d. ferðalög, neysla og tónleikar. Í máli Dr. Ágústs kom fram að tónlistarmenn væri hægt að skilgreina sem láglaunastétt og ákveðin viðhorf í þjóðfélaginu til tónlistarmanna orsökuðu það að erfitt væri að rífa laun stéttarinnar upp. Skýrsla Dr. Ágústs um framlag tónlistarinnar til þjóðarbúsins er því mikilvægt vopn í baráttu tónlistarmanna fyrir bættum launum og starfsskilyrðum. Það er ennfremur von tónlistarmanna að skýrsla Dr. Ágústs Einarssonar eigi eftir að opna augu ráðamanna fyrir mikilvægi og gildi tónlistarinnar og tónlistaruppeldis fyrir þjóðarbúið. Hann benti ennfremur á bág vaxtarskilyrði tónlistarinnar þar sem enn væri ekki komið tónlistarhús og gott húsnæði fyrir starfsemi Íslensku óperunnar.